24.02.2012, 11:35
Alfons Tuor
1871 - 1904
Il lungatg matern
Gl'affon ch'ha strusch sil mund il viadi fatg
da sia mumma "aunghel" vegn numnaus;
e lur' en cuort en siu carin lungatg
gl'affon rispunda "mumma" tut beaus.
El ri, tarmaglia, crescha, cun il latg
de sia mumma di per di tezzaus;
e mintga di in legher niev patratg
exprim' el alla mumma plein quitaus.
O siara ferm, affon, en tiu intern
ils plaids che tia mumma ha mussau;
ti stos els carezar - dal best matern
has ti quels tuns plein harmoni' artau.
Romontsch, er ti tegn l'ierta de tes vegls
en ault' honur, sco poppa de tes egls!
1871 - 1904
Il lungatg matern
Gl'affon ch'ha strusch sil mund il viadi fatg
da sia mumma "aunghel" vegn numnaus;
e lur' en cuort en siu carin lungatg
gl'affon rispunda "mumma" tut beaus.
El ri, tarmaglia, crescha, cun il latg
de sia mumma di per di tezzaus;
e mintga di in legher niev patratg
exprim' el alla mumma plein quitaus.
O siara ferm, affon, en tiu intern
ils plaids che tia mumma ha mussau;
ti stos els carezar - dal best matern
has ti quels tuns plein harmoni' artau.
Romontsch, er ti tegn l'ierta de tes vegls
en ault' honur, sco poppa de tes egls!