23.02.2012, 18:11
Pader Maurus Carnot
1865 - 1935
Jeu lasch encrescher
Carin vitget sill' amureivla spunda,
pertgei has, o pertgei has bandischau
il plaid romontsch dals vegls schi carezau,
la viarva clara, ferma e rodunda?
O mira, culla sanguinusa unda
han tes babuns quei plaid romontsch bugnau
e tes affons han freidamein scatschau
la hirundella dalla veglia grunda!
Pertgei extrader la canzun romontscha?
Sa il gudogn canzuns bein remplazzar?
Freids rest' il cor tier quella nova tschontscha.
Jeu lasch' encrescher, less tei reclamar,
car plaid romontsch, pil qual miu cor ballontscha,
jeu sai plidar, mo mai da cor cantar.
1865 - 1935
Jeu lasch encrescher
Carin vitget sill' amureivla spunda,
pertgei has, o pertgei has bandischau
il plaid romontsch dals vegls schi carezau,
la viarva clara, ferma e rodunda?
O mira, culla sanguinusa unda
han tes babuns quei plaid romontsch bugnau
e tes affons han freidamein scatschau
la hirundella dalla veglia grunda!
Pertgei extrader la canzun romontscha?
Sa il gudogn canzuns bein remplazzar?
Freids rest' il cor tier quella nova tschontscha.
Jeu lasch' encrescher, less tei reclamar,
car plaid romontsch, pil qual miu cor ballontscha,
jeu sai plidar, mo mai da cor cantar.