Sonett-Forum

Normale Version: Simeon Caratsch
Du siehst gerade eine vereinfachte Darstellung unserer Inhalte. Normale Ansicht mit richtiger Formatierung.
Zaccaria Pallioppi
1820 - 1873

Simeon Caratsch

Eau svess, al quêl be larma e suspir
nairezzas indiciblas haun cuvieu,
legiand mieu cher collega, he stuvieu
irresistibelmaing squasser dal rir.

Que prova cha, sch'el voul be divertir,
el sgür e tschert sieu fin ho conseguieu:
Pigliè vos plüch! eau pigl serain il mieu
da quel chi so uschè glischin ferir.

In s-chet rumauntsch ho'l sgualatto dal sach
cun tel umur nos predsch e nossas mendas,
il prus e quel chi ho noschdet a sfrach,

il chüz e quel chi viva da sias rendas,
ch'eau l'am e bram, sainz' esser plach e brach,
stimos lectuors, cha voss' amur al spendas!