16.03.2007, 18:27
Ooghen die my hebt doen de vryicheydt begheven,
Cleyn spieghelen der Liefd', toov'raers van mijn ghemoedt,
Krijghers noynt t'onderbroght, die altijdt met voorspoedt
Dat ghy bestorremt hebt, voor u macht hebt doen beven,
Ooghen, die self benijt de Sonn' hoe hoogh verheven,
Ooghen die menich-werf vercruypen doet mijn bloedt,
Als ghylier wanckelbaer my toebiedt quaet of goet,
Waer deur dat men my siet, dan sterven en dan leven:
Wat soete strafficheydt, wat soeter tooverij
Haudt haere woonst' in u? wat lackicheydt daer by,
Wat banden hauden my zoo soetelijck ghebonden!
Ooghen, twee Sonnen schoon! u straelen sijn soo claer,
Dat ick daer door alleyn ulier kan sien voorwaer,
En tot al ander dinck worde gansch blind bevonden.
Cleyn spieghelen der Liefd', toov'raers van mijn ghemoedt,
Krijghers noynt t'onderbroght, die altijdt met voorspoedt
Dat ghy bestorremt hebt, voor u macht hebt doen beven,
Ooghen, die self benijt de Sonn' hoe hoogh verheven,
Ooghen die menich-werf vercruypen doet mijn bloedt,
Als ghylier wanckelbaer my toebiedt quaet of goet,
Waer deur dat men my siet, dan sterven en dan leven:
Wat soete strafficheydt, wat soeter tooverij
Haudt haere woonst' in u? wat lackicheydt daer by,
Wat banden hauden my zoo soetelijck ghebonden!
Ooghen, twee Sonnen schoon! u straelen sijn soo claer,
Dat ick daer door alleyn ulier kan sien voorwaer,
En tot al ander dinck worde gansch blind bevonden.