16.03.2007, 18:13
Den grooten Spaenschen Vorst wort vermaert voor seer machtigh,
Om t'over vloedigh gout t'welck Peru hem verleent:
Den Persiaen heet rijck, om syn edel ghesteent,
En t'onbederfbaer cruyt, t'welck in reuck is soo crachtigh:
Den Tartarischen Cham maeckt sijnen naem groot-achtigh,
Door sijn strijdtbaer gheweer, van veel menschen beweent:
Maer ghy, der Eeuw' een licht, vindt meer gheluckx vereent
In uwen Roose-Mond, dan dees dry voor-bedachtigh.
Begheert ghy t'zuyver gout, ghy vindet in haer vlechten:
Karbonckels sterck ghestraelt, haer oogh u ter handt stiert:
Peerlen, balsem, corael, heur lipkens u onthechten:
Heur borstjens sijn cristael met rubijnen verciert,
En heur spraeck heeft de macht om d'Inghels te bevechten.
Hoe sou een sulcken heldt doch blijven ongheviert?
Om t'over vloedigh gout t'welck Peru hem verleent:
Den Persiaen heet rijck, om syn edel ghesteent,
En t'onbederfbaer cruyt, t'welck in reuck is soo crachtigh:
Den Tartarischen Cham maeckt sijnen naem groot-achtigh,
Door sijn strijdtbaer gheweer, van veel menschen beweent:
Maer ghy, der Eeuw' een licht, vindt meer gheluckx vereent
In uwen Roose-Mond, dan dees dry voor-bedachtigh.
Begheert ghy t'zuyver gout, ghy vindet in haer vlechten:
Karbonckels sterck ghestraelt, haer oogh u ter handt stiert:
Peerlen, balsem, corael, heur lipkens u onthechten:
Heur borstjens sijn cristael met rubijnen verciert,
En heur spraeck heeft de macht om d'Inghels te bevechten.
Hoe sou een sulcken heldt doch blijven ongheviert?