Sonett-Forum

Normale Version: Cupidinis, Thronus: IE n'en mentiray point. j'ay vescu d'autres fois
Du siehst gerade eine vereinfachte Darstellung unserer Inhalte. Normale Ansicht mit richtiger Formatierung.
IE n'en mentiray point. j'ay vescu d'autres fois
Courbé dessous le jou du beau fils de Cythere.
Et menant une vie & triste & solitaire;
I'ay souvent estonné les rochers & les bois.
Comme un Cygne mourant j'adoucissoy ma voix,
En sentant approcher un trepas volontaire:
Et contraint de mourir il me faut ore taire,
Veuf de la liberté qu'au paravant j'avois.
Vous me pensez lasser d'une rigueur extresme,
Et je pense plustost lasser la rigueur mesme;
Mais nous sommez trompez tous deux esgalement:
Car vous pensant flechir je vous rens plus cruelle,
Et vous me pensant perdre à force de tourment;
Vous me rendez au double amoureux & fidele